Harana
Hmmm...Hmmm...Hmmm...
Sa iyong bintanay huwag ng dumungaw
Huwag ng titingnan itong nanliligaw
Tama na sa aking mula sa higaan
Ay pakikinggan mo itong panambitan
Hmmm...Hmmm...Hmmm...
Ang himig at bagting ng dalang gitara
Yaon ay himutok ng pusong kawawa
Kung naririnig moy malungkot na kanta
Sapagkat nasanay sa buhay mag-isa
Hmmm....Hmmm...Hmmm...
Pagpasensyahan mot di dala ang buwan
Pagkat nagkait syang aking mahawakan
Husto na umano, ang ikawy awitan
Kung mula sa pusoy mataos at bukal
Hmmm.....Hmmm....Hmmm...
Sa tarangkahan mo, akoy humihimno
Hindi nangangawit sa pagkakatayo
Ang awit kong sabay sa kahol ng aso
Ay di nagsasabing silipin nga ako
Hmmm....Hmmm...Hmmm...
Di rin magtatagal itong panikluhod
At baka manakaw itong aking tungkod
Ito ngang harana oras na matapos
Ay bumalik ka na sa iyong pagtulog
Hmmm....Hmmm....Hmmm...
Sa pag-uwi ko kung di kita malingon
Sapagkat di alam ang iyong direksyon
Malaman mo sana, tarangkahan iyoy
May bulaklak ako na iniwan doon
Hmmm...Hmmm...Hmmm...
Sa akin mang mundong liwanag ay dilim
Ay nakikita ka nyaring pangitain..
Nangingiti ako sa aking isipin
Sabihin mo sanang, "Hanggang sa uulitin."
50
